नदीमा बालक बेपत्ता

खोटाङको हलेसी चुवाचुङ नगरपालिका–१, बाहुनीडाँडाका वडाअध्यक्ष रुद्र राईको छोरा दूधकोसीमा डुबेर बेपत्ता भएका छन् । साथीसँग माछा मार्न गएका १४ वर्षीय छोरा किरण राई बिहीबार दिउसोबाट बेपत्ता भएका हुन् । घर नजिकै पर्ने दूधकासीस्थित जोर्तीघाटमा माछा मार्न गएको समयमा कोसी तर्नेक्रममा डुबेर बेपत्ता भएको स्थानीयले बताएका छन् । ट्युवमा चढेर कोसी तर्दै गरेका किरण ट्वुव बीचमा पुगेर पल्टिएपछि डुबेको प्रत्यक्षदर्शीले बताएका छन् ।
कोसीमा बगेका उनको खोजीका लागि प्रहरी चौकी च्यास्मिटारबाट टोली परिचालन गरिएको जिल्ला प्रहरी कार्यालय खोटाङका प्रहरी नायब उपरीक्षक लोकदर्शन थापाले बताउनुभयो । 

२०७४ पुस २८ गते १:३३ मा प्रकाशित