महिना दिन पुग्दा पनि बेपत्ता बालक भेटिएनन्

 साथी भेट्न भन्दै मंसिर ८ गते कोठाबाट निस्केका राजविराज नगरपालिका १२ सिग्यौनका १३ वर्षीय मिथलेश यादव अझै सम्पर्कमा आएका छैनन् । लिटिल एन्जेल्स मोर्डन सेकेन्डरी स्कूल कक्षा छ मा अध्ययनरत मिथलेशको खोजी गरिदिन आग्रह गर्दै परिवारले प्रहरीमा निवेदन दिएको २८ दिन भएको छ । बालकको खोजीका लागि प्रहरीमा उजुरी गरे पनि प्रहरी सक्रिय नभएको मिथलेसका बुबा बिजलीप्रसाद यादवको आरोप छ । प्रहरी नायव उपरीक्षक ध्रुबकुमार श्रेष्ठले बालकको खोजतलास जारी रहेको बताए । भारतसँग सिमा जोडिएको क्षेत्रमा खोज्दा पनि हालसम्म फेला पार्न नसकिएको सुनाउँदै काका मनोज यादवले सहयोगका लागी सबैसँग आग्रह गरे । ‘आश्चर्यजनक ढंगले भतिज हरायो’ मनोजले भने, ‘बालकको अवस्था पत्ता नलागेकाले खोजीमा भौतारीँदै दिन बितिरहेको छ । उनी अध्ययनरत स्कूलका विद्यार्थीले अविलम्ब मिथलेशको खोजी गर्न माग गर्दै जिल्ला प्रहरी कार्यालय अगाडि बिहीबार प्रदर्शन गरेका छन् । घटनाले विद्यालय परीवार स्तब्ध भएको जनाउँदै प्रधानाध्यापक नरेन्द्र देवले बिहीबार एक प्रेस विज्ञप्ती जारी गरी सक्रियता पूर्वक खोजि कार्यमा लाग्न स्थानीय प्रशासनसँग माग गरेको छ ।

२०७४ पुस ७ गते प्रकाशित