उदयपुरमा बम विस्फोट : एक बालक गम्भीर घाइते
उदयपुरको सदरमुकाम गाईघाटमा बम विस्फोट हुँदा एक बालक गम्भीर घाइते भएका छन् । त्रियुगा नगरपालिका वडा नं. १३ मा रहेको थारुहट रंगशाला नजिकै बम विस्फोट भएको जिल्ला प्रहरी कार्यालय उदयपुरले जनाएको छ । विस्फोटमा परि स्थानीय मणिकुमार राईका १४ वर्षीय छोरा पारस राई गम्भीर घाइते भएको जिल्ला प्रहरी कार्यालयका प्रमुख एसपी नवराज भट्टले जानकारी दिनुभयो । बेलुकी सवा पाँच बजे सदरमुकाम आसपास ठूलो आवाजले विस्फोट भएको बमको छर्राले बालकको शरीरभरी गम्भीर चोट लागेको भट्टले बताउनुभयो ।
२०७४ चैत्र २८ गते ८:०३ मा प्रकाशित
