सुनसरीका दुई विद्यालयमा बम विस्फोट
सुनसरीको दुई विद्यालयमा शुक्रबार मध्य राति बम विस्फोट भएको छ । राति साढे १२ बजे धरानस्थित वीपी कोइराला स्वास्थ्य विज्ञान प्रतिष्ठान हाता भित्र दिल्ली पब्लिक स्कुल र इटहरीको सुष्मा गोदावरी कलेजको गेटमा बम विष्फोट भएको जिल्ला प्रहरी कार्यालय सुनसरीले जनाएको छ । दुई स्थानमा एक सात कम विस्फेटन भएको थियो । दिल्ली पब्लिकको गेटको पश्चिम ढोकामा पूर्ण रुपमा क्षति भएको छ । भने गोदावारीको वाला भत्किएको छ । जिल्ला प्रहरी कार्यालय सुनसरीका डिएसपी तथा प्रवक्ता विनोद शर्माले जानकारी दिएका छन् । वीपी प्रतिष्ठानका चिकित्सकहरुको आवास नजिक भएकाले विस्फोट हुदा छर्राले लागेर आवासका झ्यालका सिसासमेत फुटेका छन् । आवासको इ–ब्लग अन्तर्गतको आवासको झ्यालका सिसा फुटेको इलाका प्रहरी कार्यालय धरानले जनाएको छ । विस्फोटनको जिम्मा कसैले लिएका छैनन् । चन्दा नदिएका कारण विप्लवका कार्यकर्ताहरुले बम विस्फोट गराएको प्रहरीले दाबी गरेको छ ।
२०७६ भदौ २० गते ११:०३ मा प्रकाशित
