कैलालीमा खोलाले बगाउँदा युवती बेपत्ता
https://www.onlinekhabar.com/2021/07/984238 २०७८ असार ३१
३१ असार, धनगढी । कैलालीमा खोलाले बगाउँदा एक युवती बेपत्ता भएकी छन् । गोदावरी नगरपालिका–६ लालपुरमा स्थानीय गौरीदेवी खोलामा नुहाउने क्रममा सोही ठाउँकी १८ वर्षीया आरती घर्तीमगर बगेर बेपत्ता भएको प्रहरीले जनाएको छ ।
इलाका प्रहरी कार्यालय मालाखेतीका प्रहरी निरीक्षक उमेश चन्दले बिहीबार दिउँसो खोलामा नुहाउने क्रममा घर्तीमगर बगेर बेपत्ता भएको जानकारी दिंदै खोजी कार्य भइरहेको बताए ।
उनीसँगै खोलामा नुहाउन गएकी सोही ठाउँकी सीता घर्तीमगरको स्थानीयले उद्धार गरेका थिए ।
