मलामी गएका किशोरको नदीमा नुहाउने क्रममा मृत्यु

https://www.setopati.com/social/238638 जेठ १२

बैतडीमा नदीमा नुहाउने क्रममा एक किशोरको मृत्यु भएको छ।

मंगलबार बिहान महाकाली नदीमा नुहाउन गएका शिवनाथ गाउँपालिका-१  पुण्लगाउँका १७ वर्षीय महेश साउदको मृत्यु भएको प्रहरीले जनाएको छ।

उनी आफन्तको मलामी गएका बेला नदLमा नुहाउने क्रममा बेपत्ता भएका थिए।

सशस्त्र प्रहरी, नेपाल प्रहरी र स्थानीयको सहकार्यमा खोजी गर्दा उनी बुधबार बिहान मृत फेला परेको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले जानकारी दिए।