फेसबुकमार्फत् भएको चिनजान : १३ वर्षीया बालिकामाथि ब्ल्याकमेल र बलात्कार
https://ratopati.com/story/216718/2022/1/18/facebook-rape- माघ ४, २०७८
महानगरीय प्रहरी वृत्त महाराजगञ्जले पुस ३० गते २१ वर्षीय सुजन श्रेष्ठलाई ललितपुरको पाटनबाट पक्राउ गर्यो । एक नाबालिकालाई जवरजस्ती करणी गरी फरार रहेको उजुरीका आधारमा प्रहरीले श्रेष्ठलाई पक्राउ गरेको थियो ।
काभ्रेपलाञ्चोक जिल्लाको पनौती नगरपालिका वडा नम्बर १ स्थायी ठेगाना भई हाल ललितपुरको पाटनस्थित सुन्धारामा बस्ने २१ वर्षीय सुजन श्रेष्ठलाई प्रहरीले पक्राउ गर्दा भने सौगात महर्जन भन्ने ठानेको थियो । किनभने युवकले आफ्नो नाम सौगात महर्जन रहेको बताएका थिए र एक बालिकालाई डर धम्की देखाई भेट्न बोलाई जवरजस्ती करणी गरेर फरार भएका थिए ।
