खोलामा डुबेर पर्सामा एक किशोर बेपत्ता
https://www.onlinekhabar.com/2021/06/976306 २०७८ असार १५
१५ असार, वीरगञ्ज । पर्साको पोखरिया नगरपालिकामा खोलामा डुबेर एक किशोर बेपत्ता भएका छन् । पोखरीया–९, शिववर्वाका १४ वर्षीय राजु महतो तत्मा बेपत्ता भएका हुन् ।
पोखरीया–७ रानीगञ्ज र रहरीया गाउँको बीचमा बग्ने धुताहा खोलाले उनलाई बगाएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले जानकारी दिए । गाउँका एक जनाको शव सद्गतका लागि मलामी गएका उनी नुहाउने क्रममा पौने ३ बजे बेपत्ता भएको प्रत्यक्षदर्शीले बताएका छन् ।
खोजतलासका लागि इलाका प्रहरी कार्यालय पोखरियाबाट ७ जना, विपद् व्यवस्थापन गुल्मबाट प्रहरी निरीक्षकको नेतृत्वमा १३ जना र सशस्त्र प्रहरी निरीक्षकको कमाण्डमा ५ जनाको टोली खटिएका छन् ।
