रघुमति खोलामा बगेर बालकको मृत्यु
बाजुराको बुढीनन्दा नगरपालिका ७ स्थित रघुमति खोलामा बगेर एक बालकको मृत्यु भएको छ । आइतवार बेलुकी ५ बजे खोलामा बगेर कोल्टीमा एक बालकको मृत्यु भएको हो । मृत्यु हुनेमा बुढीनन्दा नगरपालिका ६ छातीकोटका हेम बहादुर मल्लका ८ वर्षीय छोरा विपीन मल्ल रहेका छन् । विद्यालयबाट घर फर्किने क्रममा उनलाई खोलाले बगाएको थियो । मल्ल कोल्टी स्थित चाइल्ड डेभ्लमेन्ट इङ्लिस मेडियम स्कुल एलकेजीमा अध्यनरत थिए । बालकको शव करिब ३ किलोमिटर तल दानसाँघ खोलामा भेटिएको जिल्ला प्रहरी कार्यालय बाजुराले बताए ।
२०७५ साउन २८ गते प्रकाशित
