कटैनी खोलामा डुबेर कैलालीमा दुई बालकको मृत्यु
कैलालीको गौरीगंगा नगरपालिका–११, शिवपुरमा रहेको कटैनी खोलामा डुबेर दुई बालकको मृत्यु भएको छ। मृत्यु हुनेमा स्थानीय हर्क भुलका ८ वर्षीय छोरा सचिन भुल र बाधुराम चौधरीका १२ वर्षीय छोरा अमन चौधरी रहेका जिल्ला प्रहरी कार्यालय कैलालीका प्रहरी प्रमुख प्रहरी उपरीक्षक बिनोद घिमिरेले जानकारी दिए । मंगलबार साँझ पौने सात बजेतिर उनीहरु कटैनी खोलामा नुहाउन गएका थिए। स्थानीयले उद्धार गरी सचिनलाई सुखडस्थित घोडाघोडी अस्पताल र अमनलाई धनगढीस्थित सेती अञ्चल अस्पताल पुर्याए पनि दुवै जनाको उपचारका क्रममा मृत्यु भएको प्रहरीले जनाएको छ।
२०७५ असार २० गते ८:५७ मा प्रकाशित
