५ वर्षीय बालिकाको हत्या
पोखराको सभागृह टोलमा मृत भेटिएकी ५ वर्षीया बालिकाको हत्या भएको खुलेको छ । नजिकै रहेको एक ग्यारेजमा कार्यरत १४ वर्षीय बालकले पाल्पा घर भई पोखरामा खाजाघर संचालन गर्दै आएकी आमासंग बस्ने ५ वर्षीय बिहानी थापामगरको हत्या गरेको प्रहरीले जनाएको छ । आफ्नो खेलौना बिगारेको भन्दै बालकले बालिकाको हत्या गरेको प्रारम्भिक अनुसन्धानमा देखिएको छ । ती बालक प्रहरी नियन्त्रणमा छन् । आइतबार साँझ हराएकी बालिका खोज्ने क्रममा राती १० बजे सिमेन्टको बोरा, ढुंगा र बालुवाले छोपेको अवस्थामा शव भेटिएको कास्कीका प्रहरी प्रवक्ता डिएसपी खड्गबहादुर खत्रीले बताए ।
२०७४ चैत्र १२ गते ११:२० मा प्रकाशित
