मिर्चैयामा बेवारिसे शिशुको उद्धार
सिरहाको मिर्चैया नगरपालिका ३ बलुवा टोलस्थित कमला पूर्वी नहर किनारमा करीब तीन महिनाकी बेवारिसे शिशुको उद्धार गरिएको छ । शिशुको नहर किनारबाट उद्धार गरिएको हो । नहर किनारमा बच्चा रोएको आवाज सुनेपछि स्थानीयले शिशुको उद्धार गरि प्रहरीलाई खबर गरेका थिए । शिशुको मिर्चैयास्थित प्राथमिक स्वास्थ्य केन्द्रमा स्वास्थ्य परीक्षण गरिएको छ। शिशुको स्वास्थ्य अवस्था सामान्य रहेको छ । शिशुको हेरचाहका लागि एक महिला प्रहरी खटाइएको छ । घटनाको थप अनुसन्धान भईरहेको जिल्ला प्रहरी कार्यालयले जनाएको छ ।
२०७५ भदौ २० गते प्रकाशित
