झाडापखालाबाट १ को मृत्यु, गाउँपिच्छे बिरामी

रुकुम पूर्व — पुथाउत्तरगंगा गाउँपालिकामा एक सातादेखि फैलिएको झाडापखालाले एक बालिकाको मृत्यु भएको छ । पुथाउत्तरगंगा–१० का श्याम विककी ३ महिने छोरी हसनाको मृत्यु भएको हो । पखालाले गाउँपिच्छे बालबालिका बिरामी परेका छन् । पुथाउत्तरगंगा ६ डिम्मुरगैरामा मात्रै २० जना बालबालिका पखालाले बिरामी परेको स्थानीय राजकुमार सुनारले बताए । स्वास्थ्य संस्था टाढा र गाउँमाऔषधि नहुँदा समस्या उनलेगुनासो गरेका छन् । केही दिनअघिको हिमपातका कारण चिसो बढेकाले बालबालिकामा झाडापखाला देखिएको जिल्ला जनस्वास्थ्य कार्यालय प्रमुख शिव सार्कीले बताए ।

२०७४ माघ २२ गते ६:५३ मा प्रकाशित