नहरमा डुबेर नाबालिकाको ज्यान गयो

सप्तरीको महदेवा गाउँपालिका–६, ढिकलीमा कोशी नहरमा डुबेर एक नाबालिकाको मृत्यु भएको छ ।स्थानीय आनन्दी यादवकी २ वर्षीया छोरी अन्जली कुमारी यादवको घर नजिकै रहेको कोशी नहरमा खेल्ने क्रममा अचानक डुबेर मृत्यु भएको जिल्ला प्रहरी कार्यालय सप्तरीले जनाएको छ ।बालिकाको शवलाई राजविराजमा रहेको गजेन्द्र नारायण सिंह सगरमाथा अञ्चल अस्पतालमा पोष्टमार्टम गरेपछि परिवारको जिम्मा लगाइएको तथा घटनाको थप अनुसन्धान भइरहेको प्रहरीले जनाएको छ।

२०७५ माघ २३ गते ७:२८ मा प्रकाशित