कालिगण्डकीमा हाम फालेर किशोरी बेपत्ता

गुल्मी र पर्वतको सिमाना कालिगण्डकी नदीमा हाम फालेर एक किशोरी बेपत्ता भएकी छन्। पर्वतको बिहादी गाउँपालिका ३ रानीपानीकी १७ वर्षीया मेनुका श्रेष्ठले नदीमा हाम फालेर बेपत्ता भएको कालिगण्डकी गाउँपालिका पुर्तिघाट प्रहरी चौकीका प्रहरी सहायक निरीक्षक बिनोदकुमार थारुले जानकारी दिए। गुल्मीको कालिगण्डकी गाउँपालिका पुर्तिघाट र पर्वतको रानीपानी जोडने पुलबाट श्रेष्ठले हाम फालेको र उनको खोजी कार्य जारी रहेको प्रहरीले जनाएको छ। हाम फाल्नुको कारणबारे अनुसन्धान भइरहेको प्रहरीले जनाएको छ।

२०७५ मंसिर १० गते प्रकाशित