साथीलाई बचाउन खोज्दा मृत्यु
बन्गाडकुपिण्डे नगरपालिका १२ का १७ वर्षीय प्रकाश परियारको शारदा खोलामा बगेर मृत्यु भएको छ । उनी कालिमाटी गाउँपालिका–३ राजीगाउँ नजिकैबाट खोलामा बगेका हुन् । सँगै नुहाउन गएका साथी दुर्गा डाँगीलाई खोलाले बगाउन खोजेपछि उद्धार गर्न खोज्दा उनको मृत्यु भएको प्रहरीले जनाएको छ । नुहाउने क्रममा डुबेर गम्भीर बनेका डाँगीलाई उपचारका लागि अञ्चल अस्पताल तुलसीपुर लगिएको प्रहरीले जनाएको छ । कालिमाटी गाउँपालिकाको रामपुरस्थित शारदा मावि केन्द्रबाट एसईई परीक्षा दिएर फर्कंदै गरेका उनी गर्मी भएपछि नुहाउन खोलामा पसेका थिए । उनी त्रिज मावि च्युराका विद्यार्थी हुन् ।
२०७४ चैत्र ९ गते ११:०० मा प्रकाशित
