घरबाट बेपत्ता भएकी बालिका मृत फेला

गएको कात्तिक २८ गते घरबाट बेपत्ता भएकी एक बालिका मृत अवस्थामा फेला परेकी छिन् । जयपृथ्वी नगरपालिका वडा नम्बर ७ सुबेडा कि १५ वर्षीया सपना बम मृत अवस्थामा फेला परेको जिल्ला प्रहरी कार्यलय बझाङले जनाएको छ । २८ गते घरबाट बेपत्ता भएपछि खोजी कार्यका लागि भन्दै आफन्तहरुले जिल्ला प्रहरी कार्यलयमा निवेदन दिएका थिए ।बालिकाको शव नदीको किनारमा सडेको अवस्थामा फेला परेको जिल्ला प्रहरी कार्यालय बझाङले जनाएको छ । बालिकाको मोबाइल र चप्पल सेती नदीको छेउ ढुङ्गामा भेटिएको छ ।प्रहरीका अनुसार बालिकाले सेती नदीमा हाम फालेर आत्महत्या गरेको हुनसक्ने आशंका गरिएको छ । मृतक सपना बम सुनिपिपल चौर माविमा कक्षा १० मा अध्यन गर्थिन ।घटनाबारे अनुसन्धान भैरहेको प्रहरीले जनाएको छ।

२०७५ मंसिर ९ गते ७:१४ मा प्रकाशित