मामाघरमा बस्दै आएका किशोर ५ दिनदेखि बेपत्ता
रुपन्देहीको सैनामैना १ वनकट्टास्थित मामाघरमा बस्दै आएका एक किशोर ५ दिनदेखि वेपत्ता भएका छन् । १४ वर्षका प्रवीण केसी ५ दिनदेखि बेपत्ता भएका हुन् । बुटवल १३ बेलबासमा रहेको एलबी नमूना आवासीय मावि कक्षा ८ मा अध्ययनरत केसी असोज १९ गतेदेखि सम्पर्कविहीन भएपछि आफन्त तथा परिवारजनले खोजी गरिदिन अपिल गरेका छन् । विद्यालयबाट आएपछि अपरान्ह ४ बजेदेखि किशोर सम्पर्कविहीन भएको परिवारजनले बताएका छन् । उनको जन्मघर भने अर्घाखाँची जिल्लाको भुमिकास्थान नगरपालिका ४ धारापानी हो । छोरा हराएपछि अभिभावकले ईलाका प्रहरी कार्यालय रन्यौरा सैनामैनामा खोजतलासका लागि निवेदन समेत दिएका छन् । आमा मधु केसी खत्रीका अनुसार ‘साँझ ५ बजे छोरोले कपिलबस्तुबाट फोन गर्यो,त्यसपछि सम्पर्कमा आएन’ उनले भनिन् । उनका बुबा भारतमा रोजगारीका लागि गएका छन् ।
२०७५ असोज २३ गते ६:५० मा प्रकाशित
