नालामा डुबेर एक बालकको मृत्यु

कञ्चनपुरमा नालामा डुबेर एक बालकको मृत्यु भएको छ । मृत्यु हुनेमा बेलौरी नगरपालिका– ६ बसईका १३ वर्षीय उमेश चन्द रहेका छन् । बुधबार दिउसो साथीसँग पौडी खेल्न गएका उमेश नालामा डुबेर वेपत्ता भएका थिए । उनको शव बैशाखा पुल भन्दा एक सय ५० मिटर पर खोलामा भेटिएको ईलाका प्रहरी कार्यालय बेलौरीका इन्चार्ज प्रहरी निरीक्षक चुडामणी पुनले बताए । बालकको खुट्टा पानीमा देखि पछि पुन आफै खोलामा पसि शब निकालेका थिए । कञ्चनपुर प्रहरीले बर्षातका बेला आफ्ना नानीहरुलाई खोला, नदी तर्दा होसियारी अपनाउन आग्रह गर्दै आएको थियो ।

२०७५ साउन ३१ गते प्रकाशित