नवलपरासीको जंगलबाट वेपत्ता भएका १० बालक सम्पर्कमा आए
नवलपरासीको मदार डाँडाको जंगलबाट वेपत्ता भएका बर्दघाट नगरपालिका–१५ तेलहा बस्तीका १० बालक सम्पर्कमा आएका छन् । शुक्रबार बिहान च्याउ खोज्न गएका उनीहरु राति अवेरसम्म पनि परिवार र छिमेकीको सम्पर्कमा नआएपछि परिवारले खोजी सुरु गरेको थियो । एक बालकले मोबाइल लगेका कारण राति अवेर आफूहरु हराएको बारे परिवारलाई जानकारी गराएको प्रहरीले जनाएको छ । त्यसपछि मोबाइल समेत सम्बन्ध विच्छेद भएपछि खोजी कार्यमा कठिनाइ भएको जिल्ला प्रहरी कार्यालयका नायब उपरीक्षक वीरेन्द्र थापाले बताए । घना जंगल रहेकाले उनीहरुले बाटो पत्ता लगाउन नसकेको थापाले बताए । रातभर शनिबार राति नै खोज्न पुगेको प्रहरी र स्थानीयबासीको टोलीले उनीहरुलाई जंगलबाटै फेला पारेको हो । वेपत्ता बालकहरुको उमेर १२ देखि १४ वर्ष छ।
२०७६ साउन ४ गते ९:२० मा प्रकाशित
