बालिका बलात्कृत
पूर्वी सुर्खेतको गुर्भाकोट नगरपालिकाकी १० वर्षीया बालिका बलात्कृत भएकी छन् । २९ गते राति ५२ वर्षीय लोकबहादुर विकले बलात्कार गरेको प्रहरीले जनाएको छ। बुहारीको माइत आएका विकले राति ११ बजेतिर बालिका बलात्कार गरेको प्रहरीले जनाएको छ ।इलाका प्रहरी कार्यालय छिन्चुका प्रमुख प्रहरी निरीक्षक मधुसुदन न्यौपानेका अनुसार बलात्कृत बालिका हिँडडुल गर्न नसक्ने भएपछि आफन्तले दुई दिनपछि मात्रै घटनाबारे जानकारी पाएका थिए । प्रहरीले मंगलबार विकलाई पक्राउ गरेको छ । बालिकाको स्थानीय अस्पतालमा उपचार भइरहेको छ । पछिल्लो समय सुर्खेतमा बलात्कारका घटना बढ्दै गएका छन् । जिल्ला प्रहरी कार्यालय सुर्खेतका अनुसार गत आर्थिक वर्षमा ३० वटा बलात्कार र १६ वटा जबरजस्ती करणीका घटना दर्ता भएका छन् ।
२०७५ साउन २ गते १०:०० मा प्रकाशित
