चट्याङ लागेर १० महिने बालकको ज्यान गयो

गएराति चट्याङ लागेर चौरपाटी गाउँपालिका –३ गगुडामा १० महिने बालकको ज्यान गएको छ । बेलुकी साढे ७ बजेतिर घरमै सुतिरहेको बेला चट्याङ लागेर रमेश कामीका १० महिने छोरा आयुष कामीको ज्यान गएको हो । चट्याङ लागेर रमेशकी १६ वर्षीया बहिनी सीता कामी गम्भीर घाइते हुनुभएको छ । घाइते सीताको अनुहारदेखि छातिसम्म जलेको छ । उहाँको बयालपाटा अस्पतालमा उपचार भैरहेको स्थानीय कृष्ण बहादुर साउदले जानकारी दिनुभयो । चट्याङबाट उहाँको गोठमा बाधिएका ५ वटा बाख्रा र एउटा गोरु पनि मरेको जिल्ला प्रहरी कार्यालय अछामले जनाएको छ ।

२०७४ चैत्र २४ गते ४:०४ मा प्रकाशित