समाचारमा बालबालिका

बालविवाह नरोकिँदा बढ्दै किशोरी आमा

नागरिक न्युजमा प्रकाशित,२१ माघ, रोल्पा ।

जिल्ला अस्पताल रोल्पामा १८ विर्षीया एक किशोरी भेटिइन्, जो आमा बनिसकेकी छिन्। आफ्ना दुई वर्षीय छोरालाई रुघाखोकी र ज्वरोले सताएपछि उनी अस्पताल आएकी हुन्। झट्ट हेर्दा आमा भनेर पत्याउन गाह्रो पर्ने उनी रोल्पा नगरपालिका दार्बोटकी जयकला परियार हुन्।

Read More

सानै उमेरमा बिहे, सन्तान जन्मेपछि पछुतो

कान्तिपुरमा प्रकाशित,२१ माघ, बझाङ ।

व्यासी स्वास्थ्य चौकीमा गर्भजाँच गर्न आएकी रञ्जा थापाले स्वास्थ्यकर्मीलाई आफ्नो विवरण टिपाइन् । उमेर १८ वर्ष पुग्दै गरेकी थापाका २ छोरा छन् । बझाङको छबीस पाथिभेरा गाउँपालिकाकी थापाले स्थानीय शान्ति मावि, चौघानपाटामा कक्षा पाँचमा पढ्दै गर्दा प्रेम विवाह गरेकी हुन् ।विहे गर्दा उनको उमेर १३ वर्षमात्र थियो ।

Read More

‘झण्डा बाबा’को कर्तुत :पुरी खान गएर बालिकामाथि बलात्कार

अन्नपूर्ण पोस्ट्मा प्रकाशित,२० माघ, वीरगन्ज ।

१४ वर्षकी बालिकालाई बलात्कार गरेको आरोपमा प्रहरीले भारतका एक साधुबाबालाइ पक्राउ गरेको छ। बाराको कोल्हबी नगरपालिका-११ रामपुर्वामा स्थानीय १४ वर्षीया बालिकालाई बलात्कार गरेको आरोपमा प्रहरीले ५३ वर्षीय भारतीय साधुबाबालाई पक्राउ गरेको हो।

Read More

घरको छतबाट खसेर एक बालिकाको मृत्यु

नयाँ पत्रिकामा प्रकाशित,२० माघ, बागलुङ ।

जिल्लाको बागलुङ नगरपालिका–१ रामरेखामा घरको छतबाट खसेर एक बालिकाको ज्यान गएको छ । बागलुङको काठेखोला गाउँपालिका–८ लेखानी घर भएका बिमला बिककी १५ महिनाकी छोरी दिपसिना बिकको पक्की घरको छतमा खेल्दै गर्दा खसेर ज्यान गएको हो।

Read More

छोरी बलात्कारको आरोपमा बुबा पक्राउ

कान्तिपुरमा प्रकाशित,२० माघ, उदयपुर ।

छोरी बलात्कारको आरोपमा उदयपुरको उदयपुरगढी गाउँपालिकाका ४५ वर्षीय बुबा पक्राउ परेका छन् । केही दिनअघि १२ वर्षीया छोरीलाई बलात्कार गरेको भन्दै आमाले सोमबार जिल्ला प्रहरी कार्यालयमा उजुरी गरेपछि बुबा पक्राउ परेका हुन्।

Read More

पोषण र स्वास्थ्य सुधारका लागि ‘स्वस्थ बच्चा प्रतिस्पर्धा

नागरिक न्युजमा प्रकाशित,२० माघ, धादिङ ।

खानपान, स्वास्थ्य जाँच, सरसफाइमा ध्यान नपु(याउँदा धेरै बालबालिका कुपोषणको सिकार भएका छन्। मातृशिशु स्वास्थ्यमा आवश्यक लगानी र हेरचाह नहुँदा बालबालिकाको स्वास्थ्य अवस्था बिग्रँदै गएको छ। पोषण र स्वास्थ्यमा सुधारका लागि धादिङमा ‘स्वस्थ बच्चा प्रतिस्पर्धा’ कार्यक्रम सञ्चालन गरिएको छ। जिल्लाको दक्षिणी भेगको गजुरी र बेनिघाट रोराङ गाउँपालिकाका विभिन्न ठाउँमा आमा र बच्चाको स्वास्थ्यलाई ध्यान दिई कार्यक्रम सञ्चालन गरिएको हो।

Read More

बलात्कारको आरोपमा फरार रहेका एक जना विमानस्थलबाट पक्राउ

कान्तिपुरमा प्रकाशित,२० माघ, काठमाडौँ ।

बलात्कारको आरोपमा फरार रहेका एक जनालाई प्रहरीले त्रिभुवन अन्तर्राष्ट्रिय विमानस्थलबाट पक्राउ गरेको छ । धादिङको गुजरी गाउँपालिका घर भएका हरिकृष्ण भनिने हेमनसिंह बस्नेतलाई नेपाल प्रहरीको केन्द्रीय अनुसन्धान ब्युरो(सीआईबी) ले विमानस्थलबाट पक्राउ गरेको हो ।

Read More

बाल संगठनको सबै सम्पत्ति सरकार मातहत ल्याऊ

अनलाइनखबरमा प्रकाशित,२० माघ, काठमाडौं ।

नेपाल बाल संगठनको चल–अचल सबै सम्पत्ति र बालबालिकाको संरक्षण सरकार मातहत ल्याउन संसदीय समितिले निर्देशन दिएको छ । प्रदेशगत एवं स्थानीय तहगतरुपमा बालबालिकाको संरक्षण गर्ने व्यवस्था मिलाउन पनि समितिले निर्देशन दिएको छ ।

Read More

भतिजी अपहरण गरेर १६ लाख मागेपछि

कान्तिपुरमा प्रकाशित,२० माघ, भक्तपुर ।

म ग्रीष्माको बाबा बोलेको, ग्रीष्मालाई सन्‍चो छैन, आज छोरी लिन आउन भ्याउँदिनँ, भाइसँग पठाइदिनुहोला’ आइतबार बिहान करिब ११ बजे मध्यपुर थिमि–५ निकोसेरास्थित ग्लोरी इङलिस बोर्डिङ स्कुलमा फोन आयो । फोनमा भनेअनुसारै ग्रीष्मा राउतलाई लिन १२ बजेर १० मिनेटमा अपरिचित व्यक्ति हेलमेट लगाएरै स्कुल प्रवेश गरे । स्कुलका शिक्षकले ती व्यक्तिलाई हेलमेट खोल्न लगाए ।

Read More

‘बेडरेष्ट’ले छात्रा नियमित

नागरिक न्युजमा प्रकाशित,१९ माघ,सुर्खेत ।

गुर्भाकोटको आनन्द मावि गुमीकी छात्रा निशा बुचा महिनावारी हुँदा तीन दिनसम्म विद्यालयमा अनियमित हुन्थिन्। बेन्चमा लामो समयसम्म बस्न गाह्रो हुन्थ्यो। पेट दुख्थ्यो। आराम गर्ने ठाउँ थिएन्। स्कुल छुटाउने रहर कस्को पो हुन्छ र १ विद्यालयमा अध्ययरत निशाजस्तै दुई सय बढी किशोरी महिनावारी समस्याका कारण बाध्यताले अनियमित हुन्थे। यसको प्रत्यक्ष असर उनीहरुको पढाईमा पर्दथ्यो।

Read More

काभ्रेमा १६ वर्षीय किशोर मृत फेला

रातोपाटीमा प्रकाशित,१९ माघ, काभ्रे ।

काभ्रेपलाञ्चोकको भुम्लु गाउँपालिका–९ ज्याम्दीका सौरव पराजुली मृत फेला परेको प्रहरीले जनाएको छ । शनिबार बिहान घरबाट खेल्न भनेर निस्केका सौरव आज दिउँसो नदीमा मृत अवस्थामा फेला परेका हुन् ।

Read More

पूजाको प्रसाद खाँदा ६७ बालबालिका बिरामी

रातोपाटीमा प्रकाशित,१९ माघ, सप्तरी ।

सप्तरीको सुरुङ्गा नगरपालिका–७ हरिपुरमा सरस्वती पूजाको प्रसाद खाँदा आज ६७ जना बालबालिका बिरामी परेका छन् । त्यहाँ रहेको राष्ट्रिय प्राथमिक विद्यालयका बालबालिकाहरुले सरस्वती पूजाका प्रसाद खाँदा बिरामी परेको सुरुङगा नगरपालिकाका प्रमुख मुक्तिनाथ चौधरीले बताए ।

Read More

बाल स्वास्थ्य कार्डको महत्व बुझ्दै अभिभावक

नागरिक न्युजमा प्रकाशित,१९ माघ, रसुवा ।

गोसाइँकुण्ड गाउँपालिका–६, धुन्चेका प्रमोदकुमार तितुङको बच्चा १६ महिना पूरा भइसकेको छ । उनले बच्चालाई लगाउनुपर्ने सबै खोप लगाइसके । बच्चाले पूर्ण खोप पाएसँगै विभिन्न रोगबाट बच्नेमा उनी ढुक्क छन् । उनले आफ्नो बच्चाको स्वास्थ्य अवस्थाबारे बाल स्वास्थ्य कार्डबाट थाहा पाएको बताए । ‘बच्चाको नियमित जाँच गर्न तथा खोप लगाउन परिवारका अरू सदस्य पनि जान्छन्,’ उनले भने, ‘यो कार्ड हेरेपछि बच्चाको अवस्था थाहा हुन्छ ।

Read More

खाजाले बढे विद्यार्थी

कान्तिपुरमा प्रकाशित,१८ माघ, टिकापुर ।

विद्यालयमा खाजा कार्यक्रमले विद्यार्थी नियमित रुपमा आउन थालेका छन् । हरेक दिन फरकफरक खाजा खान पाउने भएपछि सामुदायिक विद्यालयमा विद्यार्थीहरू नियमित आउन थालेका हुन् ।

Read More

चिसो भुइँमै पढाइ

कान्तिपुरमा प्रकाशित,१७ माघ,महोत्तरी ।

बिहानको ११ बजेपछि विद्यार्थीहरू एक हातमा किताब र अर्कोमा बोरा वा चकटी झुण्ड्याउँदै विद्यालय पुग्छन् । घाम लागे चौरमा र शीतलहर भए कक्षाकोठामा बोरा ओछ्याएर पढ्छन् । कोही त बोरा पनि नभएर चिसो भुइँमा नै बस्छन् ।

Read More

छोरी बलात्कार गर्ने बाबुलाई जन्मकैद सजाय

नयाँ पत्रिकामा प्रकाशित,१७ माघ, अर्घाखाँची ।

जिल्ला अदालतले ९ वर्षीया छोरीलाई जबर्जस्ती बलात्कार गर्ने बाबुलाई जन्मकैदको फैसला सुनाएको छ । अर्घाखाँची जिल्ला शीतगङ्गा नगरपालिका–४ का एक व्यक्तिले आफ्नै छोरीलाई जबर्जस्ती करणी तथा हाडनाता करुणी गरेको अभियोगमा सो फैसला गरेको हो।

Read More

बलात्कारपछि ११ वर्षीया बालिका हत्या प्रकरण : दुई अभियुक्तलाई आजीवन कैद सजाय

नयाँ पत्रिकामा प्रकाशित,१७ माघ, विराटनगर ।

११ वर्षीया बालिकालाई बलात्कार गरेर हत्या गर्ने दुई अभियुक्तलाई जिल्ला अदालत मोरङले आजीवन (बाँचुन्जेल)काराबास सजाय हुने फैसला गरेको छ । एक वर्षअघि विराटनगर महानगरपालिका ८ की  ११ वर्षीया बालिका रूपमती दासको बलात्कारपछि हत्या भएको थियो।

Read More

प्रेम गर्छु भन्दै बलात्कार

कान्तिपुरमा प्रकाशित, १५ माघ, बाँके।

उनलाई प्रेममा जबर्जस्ती हुँदैन भन्ने विश्वास थियो । तीन महिनाअघि भारतदेखि पुर्ख्यौर्ली घर आउँदा उनका छिमेकी नवीन रोकायसँग चिनजान भयो । भेट भएको एक सातामै युवकले प्रेम प्रस्ताव राखे । आफू दलित समुदायकी भएकाले विवाह सम्भव नहुने भन्दै प्रेम अस्वीकार गर्दै आइन् ।

Read More

सात वर्षीया छोरीलाई करणी गर्ने पक्राउ

थाहा खबरमा प्रकाशित,१५ माघ, झापा ।

आफ्नै सात वर्षीया छोरीलाई करणी गरेको अभियोगमा प्रहरीले कानकाई नगरपालिका–१ निवासी एक व्यक्तिलाई पक्राउ गरेको छ।  मादक पदार्थ सेवन गरी छोरीलाई करणी गर्ने ३० वर्षीय बुबालाई पक्राउ गर्दै मङ्गलबार हाडनाता करणी मुद्दा दर्ता गरिएको जिल्ला प्रहरी कार्यालय झापाले जनाएको छ।

Read More

बालबालिकाले रोके बालविवाह

अन्नपूर्ण पोस्ट्मा प्रकाशित,१४ माघ, दार्चुला ।

दार्चुलाको मालिकार्जुन गाउँपालिका ८ मा एक १५ वर्षीया बालिकाको विवाह रोकिएको छ। जिल्लाको मालिकार्जुन गाउँपालिका ८ शंकरपुरस्थित शंकरपुर बाल क्लबले उमेर नपुगि गर्न लागिएको विवाह रोक्न मालिकार्जुन गाउँपालिकालाई निवेदन दिएपछि उक्त विवाह रोकिएको हो ।

Read More