समाचारमा बालबालिका

घरायसी कामले छुट्छ पढाई

अन्नपूर्ण पोस्ट्मा प्रकाशित,२७ माघ, अछाम ।

साँफेबगर नगरपालिका–१४ पातलकोटकी सानु थापा १७ बर्षकी भईन् । विद्यालयमा भेटिनुपर्ने उनी हरेक दिन उनी घरायसी काममा ब्यस्त हुन्छिन् । कालिका माध्यामिक विद्यालयकी पूर्व छात्रा सानुले ६ कक्षा पढ्दा पढ्दै विद्यालय छोडिन् । भन्छिन्, ‘घरायसी काम र घासदाउराले गर्दा गृहकार्य गर्ने, पढ्ने समय नभएपछि विद्यालय जानै छोडे ।’ सानु जस्तै कौशी परियारले कक्षा ३ र शान्ति थापाले कक्षा सातमा पढ्दा पढ्दै वीचमै विद्यालय छोडे ।

Read More

बालविवाह गराउन खोज्ने काका पक्राउ

नागरिक न्युजमा प्रकाशित,२७ माघ, मुगु।

आफ्नै भतिजलाई बालिका विवाह गराउन खोज्ने काकालाई प्रहरीले नियन्त्रणमा लिएको छ। हुम्लाको चंखेली गाँउपालिका वडा १ दार्मा गाँउका सिंहबहादुर नेपालीलाई मुग प्रहरीले पक्राउ गरेको हो। नेपाललीले मुगुको सोरु गाँउपालिका वडा नं ३ कि एक बालिकालाई भतिजोसंग विवाह गराउने प्रयास गरेका थिए।

Read More

उदयपुरमा बलात्कार घटना बढ्दो, वर्षदिनमा ५३

नागरिक न्युजमा प्रकाशित,२६ माघ, उदयपुर ।

उदयपुरमा बलात्कारका घट्ना भयावह बन्दै गएको पाइएको छ। जिल्ला प्रहरी कार्यालय उदयपुरका अनुसार पछिल्लो समय वर्षेनी महिलामाथि हुने बलात्कार र बलात्कारजन्य महिला हिंसाका घट्ना बढ्दै गएको देखिएको छ।

Read More

विद्यालयबाटै बिनाब्याज ऋण

कान्तिपुरमा प्रकाशित,२६ माघ, बर्दिया ।

जिल्लाको नेपाल गुराँस माविका विद्यार्थीका पढाइ छाडेर खर्च जुटाउन भौंतारिनुपर्ने दिन सकिए । मधुवन –६, सानोश्रीका विद्यार्थीलाई विद्यालयले पढ्दै, सिक्दै र कमाउँदै अभियानअन्तर्गत बिनाब्याज ऋण दिन थालेपछि उनीहरूका दिन फेरिएका हुन् । विद्यालयले उपलब्ध गराएको ऋण सहयोगले अध्ययन खर्च टार्न सहज भएको प्रधानाध्यापक केशव पौडेलले बताए ।

Read More

सय रुपैयाँ चोरी गर्दा बन्धक बनाएर कुटिए बालक

अन्नपूर्ण पोस्ट्मा प्रकाशित,२६ माघ, जनकपुरधाम ।

गाउँको एक किराना पसलबाट पैसा चोरी गरेको निहुँमा एक वडाध्यक्षले दुई बालकलाई ८ घण्टा बन्धक बनाएर निर्घात कुटपिट गरेको कुरा बाहिर आएको छ। वडाध्यक्षको कुटपिटबाट बालकको नाक, ढाड र छातीमा गम्भीर चोट लागेको छ।

Read More

झारफुकको बहानामा किशोरीमाथि बलात्कार, १ जना पक्राउ

अनलाइनखबरमा प्रकाशित,२५ माघ, कैलाली ।

१४ वर्षीया किशोरी बलात्कारको आरोपमा कैलालीको घोडाघोडी नगरपालिका–१, सुखडबाट १ व्यक्ति पक्राउ परेका छन् । बिरामी युवतीलाई झारफुक गर्ने बहानामा युवती बलात्कार गरेको गरेको अभियोगमा घोडाघोडी नगरपालिका–१, हिम्मतपुरका ४५ वर्षीय हरिप्रसाद डगौरा पक्राउ परेको जिल्ला प्रहरी कार्यालय, कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए।

Read More

एक सातादेखि १२ वर्षीया बालिका बेपत्ता

नेपाल समाचारपत्रमा प्रकाशित,२४ माघ, बागलुङ ।

काठेखोला गाउँपालिका–७ कि १२ वर्षीया सन्ध्या बस्याल एक सातादेखि बेपत्ता छिन् । गत शुक्रबार बिहान ८ः३० बजे घरबाट हिँडेकी बस्याल नफर्केपछि परिवारजन पीडामा छन् । प्रहरी र स्थानीयवासीले खोजी कार्य तीव्र पारे पनि बस्याल फेला पर्न सकेकी छैनन्।

Read More

चितुवाको आक्रमणबाट बालिकाको मृत्यु

कान्तिपुरमा प्रकाशित,२४ माघ, पोखरा ।

चितुवाको आक्रमणबाट पोखरा– ३२ कोशेगाउँकी ९ वर्षीया पूजा विकको मृत्यु भएको छ । बिहीबार साँझ ६ बजेतिर साथीसँग खेलिरहेको अवस्थामा चितुवाले अशोक विकको घरको आँगनबाटै उनलाई लगेको स्थानीय नारायणप्रसाद पण्डितले बताए।

Read More

जहाँ ५ कक्षामै टुंगिन्छ पढाइ

कान्तिपुरमा प्रकाशित,२४ माघ, सिन्धुपाल्चोक ।

चिसो भुँइमा टुक्रे गुन्द्री । चिरा परेका काठले बेरिएका कोठा । त्यहीँ टाँगिएका छन्, च्यातिन थालेका थोत्रा चार्ट । पुस्तक र कापी बोकेर बालबालिका शिक्षक कुरेर बसेका छन् । अझैसम्म सडक नजोडिएको जुगल गाउँपालिका–३ तेम्बाथान गाउँको तेम्बाथान आधारभूत विद्यालयको यो अवस्था देख्ने जो कोही दिक्क हुन्छन्।

Read More

विद्यार्थी नहुँदा विद्यालय बन्द

थाहा खबरमा प्रकाशित,२४ माघ, झापा ।

शिवसताक्षी नगरपालिका–११ को झरना आधारभुत विद्यालय दुई वर्षदेखि बन्द छ। चारजना शिक्षक दरबन्दी रहेको उक्त विद्यालयमा ३० जना मात्र विद्यार्थी भए।

Read More

विद्यालय जाँदै गरेका बालकलाई टिपरले ठक्कर दियो, घटनास्थलमै मृत्यु

थाहा खबरमा प्रकाशित,२३ माघ, बैतडी ।

दार्चुलामा टिपर ठक्करबाट एक बालकको ज्यान गएको छ।  मृत्यु हुनेमा शैल्यशिखर नगरपालिका –९ का अन्दाजी ६ वर्षीय महेश महर रहेको इलाका प्रहरी कार्यालय गोकुलेश्वरले जनाएको छ।

Read More

विद्यालय पठाउनै सकस, खोलामा विद्यार्थी खोज्दै शिक्षक

कान्तिपुरमा प्रकाशित,२३ माघ, सिरहा ।

घरछेउमै भए पनि उनी विद्यालय जाँदिनन् । लहान नगरपालिकास्थित घलेटोलकी १२ वर्षीया सन्जु मरिक डोम घरमै भाइबहिनी खेलाउँदै दिन बिताउँछिन् । विद्यालय जाने उमेरका ७ वर्षीया बहिनी अमृता र ४ वर्षीय भाइ रोहितको हेरचाह गर्ने जिम्मेवारी उनको काँधमा छ । परिवारका सदस्य बंगुरपालन र बाँसजन्य सामग्री उत्पादन तथा बिक्री गर्न व्यस्त छन् ।

Read More

हिउँको ढिस्कोमाथि पढाइ

अन्नपूर्ण पोस्ट्मा प्रकाशित,२३ माघ,मनाङ ।

मनाङमा दुई साताअघि परेको हिउँ बिलाएको छैन। जमिनमा खुट्टा गढ्ने बाक्लो हिउँ छ भने कठ्यांग्रिँदो चिसोले जनजीवन प्रभावित भएको छ। तर, चिसोले बिदा भएको सदरमुकाम चामे र तिमाङको विद्यालयले भने हिउँमै पढाइ सुरु गरेका छन्।

Read More

औषधि खुवाएर बलात्कार

कान्तिपुरमा प्रकाशित,२२ माघ, सुर्खेत ।

वीरेन्द्रनगरमा एक किशोरीमाथि बलात्कार भयो। ती किशोरी अशक्त थिइन्। अटोरिक्सामा चढेकी उनलाई चालकले यात्राकै क्रममा पानी खान दिए। पानी खाएपछि किशोरी बेहोस भइन्। अटोभित्रै चालकले बलात्कार गरे।

Read More

सात लाख ७० हजार बालबालिका विद्यालय बाहिर

नागरिक न्युजमा प्रकाशित,२२ माघ, काठमाडौं ।

युनिसेफ जर्मनीका संरक्षक एल्के बुडेनबेन्डरले नेपाल भ्रमणका क्रममा यहाँका बालबालिकाको स्थिति र त्यसको दिगो समाधानका लागि युनिसेफले चालेको कदमका बारे जानकारी लिएका छन्। सोमबारदेखि शुक्रबारसम्म नेपाल भ्रमणमा रहेका उनले ललितपुरका विद्यालय, युवा क्लब र समुदायका बालबालिकालाई भेटी तिनको दैनिक जीवनमा आउने चुनौतीको सामना गर्ने तरिकाबारेमा जानकारी लिएको युनिसफ नेपालका सञ्चार विशेषज्ञ शर्मिना मानन्धरले जानकारी दिए।

Read More

अब कक्षा ८ सम्मै रंगीन पुस्तक

नयाँ पत्रिकामा प्रकाशित,२१ माघ,काठमाडौँ ।

आगामी शैक्षिक सत्रबाट कक्षा ८ सम्मका विद्यार्थीले रंगीन पुस्तक पढ्न पाउने भएका छन् । शिक्षा, विज्ञान तथा प्रविधि मन्त्रालयले विभिन्न रङका पाठ्यपुस्तक छपाउने निर्णय गरेको हो । यसअघि कक्षा ५ सम्मका विद्यार्थीहरूले मात्र रंगीन पाठ्यपुस्तक पढ्दै आएका थिए । कक्षा ९ र १० मा भने श्यामश्वेत पुस्तक हुनेछन्।

Read More

कोटा अनाथ, पढ्छन् बाठाका सन्तान

अन्नपूर्ण पोस्ट्मा प्रकाशित,२१ माघ, काठमाडौं ।

अनाथ बालबालिकाका लागि छुट्याइएको शिक्षा कोटामा बाल मन्दिरका पदाधिकारीले रजाइँ गरिरहेको पाइएको छ।निजी विद्यालयले अनाथ बालबालिकाका छुट्याएको निःशुल्क अध्ययन कोटा र विभिन्न माध्यमबाट आएको सहयोगमा बाल मन्दिरकै पदाधिकारीका सन्तान पढिरहेका छन्।

Read More

चार दिनअघि अपहरित बालकको उद्धार, दुई अपहरणकारी पक्राउ

कान्तिपुरमा प्रकाशित,२१ माघ, बारा ।

प्रहरीले चार दिन अघि अपहरित १० वर्षीय एक बालकलाई सोमबार उद्धार गरी २ जना अपहरणकारीलाई पक्राउ गरेको छ । अपहरित प्रसौनी गाउँपालिका–५ प्रष्टोका गाउँका जयप्रकाश साहका छोरा आकाशकुमार साहलाई कलैया उप महानगरपालिका–२४ श्रीपुर गाउँबाट उद्धार गरिएको हो ।

Read More

छोरीलाई बलात्कार गरेको आरोपमा बुबा पक्राउ

अन्नपूर्ण पोस्ट्मा प्रकाशित,२१ माघ, पर्सा ।

छोरीलाई बलात्कार गरेको आरोपमा ४० वर्षीय पुरुषलाई प्रहरीले पक्राउ गरेको छ। पर्साकी १६ वर्षीया किशोरीलाई बलात्कार गरेको आरोपमा प्रहरीले उनका बुबालाई पक्राउ गरेको हो।

Read More

नेपाल बाल संगठनको सम्पत्ति कति ?

ईमेजखबरमा प्रकाशित,२१ माघ, काठमाडौं ।

प्रतिनिधिसभाको महिला तथा सामाजिक समितिले नेपाल बाल संगठन (बाल मन्दिर)को सम्पत्ति सरकार मातहत ल्याउन निर्देशन दिएको छ । तर, बाल मन्दिरको नाममा के–कति सम्पत्ति छ भन्ने तथ्यांक बाल संगठनसँगै छैन।

Read More